Ela luokka lii vyelgimin palhâšumemáátkán olgoenâmáid. Puohah láá tiäđust-uv moovtâ, eromâšávt máttáátteijee, kote lii ain nievdâm tast, et sun uáináččij lađásmáánu ävđineennâm alne. Tondiet puohah láá čuuvtij hiämáskâm, ko uba juávkku kárttá-uv Laapin. Vala eenâb puohah láá hiämáskâm, ko juovlâpukki já tonttujuávkku puátih viežžâđ sii kirdemkiedist, já puoh enâmustáá puohah hiämáskeh tast, ko máttáátteijee koččo juovlâpuuki eeččin.
Pivnohis Ella-kirjeh láá almostum jo ivveest 1995! Säärji eromâš huumor lii ilosmittám maaŋgâahasijd lohheid pirrâ maailm.