Kárášjot gákti
Sápmelaččat leat atnán gávtti beaivválaččát árgabeaibivttasin ja čiŋadan dainna. Gákti muitala gullevašvuođa. Dát duodjegirji lea Kárášjot gávtti birra, mo dan historjá lea ja mo gákteatnin lea earáhuvvan ovddežis dálážii. Gávtti olbmot gorrot máŋggaláhkái ja dán girjjis leat rávvagat mo vadjat, mihtuid váldit ja goarrut sihke Kárášjot almmáiolbmo- ja nissonolbmogávtti.
Kárášjot gákti-girji heive oahpponeavvun joatkkaskuvlla oahpahussii ja lea doarjjan sidjiide geat beroštit gákteduddjomis.