Luonddurigggodat lea vuođđun árbevirolaš bipmui. Dát biebmogirjji vuođđun leat sámi borramušárbevierut mo háhkat biepmu, mo rájadit ja gearggusvuohta lea leamaš lunddolaččat oassin árgabeaivvis buolvvas bulvii.
Biebmorávvagiid vuođđun leat báikkálaš luondduriggodagat ja sámi biebmomáhttu, heivehuvvon otná dárbbuide ja vejolašvuođaide. Juohke biebmorávvagis lea sihke gaskabeaivi ja bajáluš, mat leat biddjon oktii eallámušsisdoalu dáfus ja seammás máisot njálgát. Biebmorávvagat leat njealji olbmo várás, nu ahte biepmu sáhttá ligget guoddeváš ja bisteváš biebmodoallun.
Girječállái lea ekologiija, ceavzilis biebmu ja iešbirgejupmi dehálaš, ja háliida movttiidahttit erenoamážit nuorat buolvva geavahit luonddu eambbo aktiivvalaččat – juogo murjema, bivddu, guolásteami dahje diđolaččat válljet báikkálaš biebmoávdnasiid. Biebmogirji heive sihke sidjiide geat háliidit ráhkadit árbevirolaš sámi biepmuid, ja sidjiide geat háliidit háhkat máhtu biebmogearggusvuođas ja biebmoávdnasiid geavahit.