Nainasa máinnas lea nubbi girji girjeráiddus Uhca Meahcceruollaža ja háldáša Bikká birra, ja heive erenoamáš bures mánáide geat liikojit niegadit ja fantaseret.
Háldášnieida Biggá oahpaha Uhca Meahcceruollaža Jákopa ráfot ja diktit jurdagiid girdit, ja dáinna vugiin oahpá ge Jákop mátkoštit gosa ihkinassii son háliida, beare son luohttá alcces, ahte son máhttá hálddašit jurdagiid fámu.
Dát gelddolaš mátki guovssahasaid lusa álgá ráfálaš meahcis Silbasoagi luhtte gos Jákop orru. Fáhkka bohtet guovssahasat viežžat Jákopa ja Bikká. Sii girdet miehtá eanajorbadasa ja guhkás nástealbmái. Doppe ges buokčalit eanaspáppa siskkimužžii gos leat eará amas máilmmit.